Սոմալիի տարածքում երեկ հռչակվել է նոր պետություն: Այն կոչվելու է Ազանիա, իսկ նոր պետության ղեկավար է դարձել Մուհամադ Աբդի Գանդին: Ազանիան գտնվում է Սոմալիի արևմուտքում: Այս մասին հաղորդում է Associated Press գործակալությունը:
Պետության հռչակման արարողությունը կատարվել է Քենիայի մայրաքաղաք Նայրոբիում ապրիլի 3-ին: Ազանիային աջակցելով՝ Քենիայի իշխանությունները ձգտում են պաշտպանել իրենց երկիրը Սոմալիի մյուս հատվածներում տեղի ունեցող բախումներից և այդտեղից Քենիայի տարածք ահաբեկիչների ու փախստականների ներհոսքից:
Սոմալիի անցումային կառավարությունը, որը փորձում է երկիրը փրկել 1991 թ. այստեղ սկսված բախումներից և կանխել երկրի փլուզումը, դատապարտել է այս քայլը: Ազանիայի ղեկավարն, իր հերթին, հայարարել է, որ պատրաստվում է իր երկրի տարածքից վտարել «Ալ-Շաբաբ» ահաբեկչական կազմակերպության անդամներին, որոնք կապված են «Ալ-Քաիդայի» հետ:
