Բրիտանական Ofcom կարգավորող մարմինը Playboy ամսագրին տուգանել է 100 հազար ֆունտ ստեռլինգով (160 հազար դոլար), քանի որ կայքի մուտքը հարկ եղած չափով պաշտպանված չէ անչափահասներից: Այս մասին հաղորդում է Ofcom-ի կայքը:
Կարգավորող մարմինը նշում է, որ Playboy TV և Demand Adult կայքերում, որոնք պատկանում են Playboy-ին, հրապարակվում են պոռնոգրաֆիկ բնույթի տեսահոլովակներ և լուսանկարներ: Ընդ որում՝ երկու ռեսուրսներն էլ օգտատերերին թողնում են մուտք գործել «18+» կոճակը սեղմելուց հետո:
Ofcom-ի կարծիքով` այս միջոցները բավարար չեն: կարգավորիչ մարմինը նշում է, որ երկու կայքերում էր օգտատերերը վճարով նյութերի հասանելիություն կարող են ձեռք բերել դեբետային քարտերի միջոցով: Բաց ձևով պոռնոգրաֆիան հրապարակված է միայն Demand Adult կայքում:
Ofcom-ն ընդգծում է, որ «մեծահասակների համար» կայքերը օգտատերերի տարիքը կարող են վերահսկել մի քանի միջոցներով:
Մասնավորապես, մուտք գործելու համար նրանք կարող են խնդրել վարկային քարտերի համարը, որոնք տրվում են միայն 18 տարեկանից մեծ մարդկանց: Իսկ դեբետային քարտեր կարող են ստանալ նաև 18 տարեկանից փոքր օգտատերերը:
Հայտնաբերված խախտումների համար Demand Adult կայքը տուգանվել է 65 հազար ֆունտ ստեռլինգ, իսկ Playboy TV-ն` 35 հազար ֆունտ ստեռլինգ:
