«Մուկուչյանը օրենքի կոպիտ խախտում թույլ տվեց:Իմ նկատմամբ իրականացվում է քաղաքական հետապնդում, որովհետև ես դատի եմ տվել երեք նախագահներին` որպես ռուսական լրտեսների, այդ թվում` Սերժ Սարգսյանին»,-«Առաջին լրատվական»-ի հետ զրույցում վրդովվածասաց «Քաշաթաղ» ՀԿ-ի նախագահ Ռոբերտ Սիմոնյանը, ում ԿԸՀ-ն այդպես էլ չգրանցեց որպես նախագահի թեկնածու` 8 միլիոն դրամ ընտրագրավը չվճարելու պատճառով:
«Ես նախկինում դատի էի տվել Մուկուչյանին, դիմել էի դատախազություն, Սահմանադրական դատարան, ինձ դեռ ոչ մի պատասխան չեն տվել, չեն ասում`ընդունվե՞լ է վարույթ, թե՞ ոչ, իսկ Մուկուչյանն արդեն ինձ չի գրանցում: Սա խոշոր հանցագործություն է, իսկ դատի էի տվել, որովհետև 8 միլիոն դրամ ընտրագրավը հակասում է Սահմանադրությանը. դա ապօրինի դրամաշորթություն է:
Իր գործերն արդեն ազգային անվտանգությունում և հատուկ քննչականում են:Մինչև պատասխան չգա` նա ի՞նչ իրավունք ունի ինձ չգրանցելու որոշում կայացնել»,-ասաց նա:
Ռոբերտ Սիմոնյանի կարծիքով`ընտրությունները պետք է հետաձգվեն երկշաբաթյա ժամկետով, քանի որ առաջացել է անհաղթահարելի խոչընդոտ:
