Թուրքական Doğan լրատվական գործակալության հաղորդմամբ, Իզմիրի նահանգի Բալչովա շրջանում հրազենի օգնությամբ ինքնասպան է եղել Պետական անվտանգության դատարանի նախկին դատախազ Ահմեդ Բիրսենը:
Նշվում է, որ Իզմիր-Չեշմե ավտոմայրուղիով անցնող վարորդներից մեկը նկատել է, որ ճանապարհի մեջտեղին կանգնած ավտոմեքենայի վարորդն անշարժ է, և այդ մասին անմիջապես ահազանգել է ոստիկանությանը:
Վերջինիս աշխատակիցներն ավտոմեքենայի ղեկին հայտնաբերել են 4 երեխաների հայր, 54-ամյա Բիրսենին: Նրա ձախ ձեռքում գտնվել է Lama տիպի ատրճանակը, որից էլ արձակվել է միակ և մահաբեր կրակոցը:
Առայժմ անհայտ են մնում ինքնասպանության դրդապատճառները: Միայն նշվում է, որ իր պաշտոնավարության տարիներին Բիրսենը վարել է մի շարք աղմկահարույց գործեր: