Տնային կալանքի տակ գտնվող Իրանի ընդդիմության առաջնորդներից մեկի որդու՝ Հուսեյն Կարուբիի դեմ սահմանվել է 6 ամսվա պայմանական ազատազրկում: Այս մասին հայտնում է Fars գործակալությունը:
Ըստ տեղեկությունների՝ Հուսեյն Կարուբին, որը արտասահմանյան ԶԼՄ-ներով հանդես է եկել իսլամական հեղափոխության դեմ, մեղադրվում է բնակչության շրջանում հուզումներ առաջացնելու մեջ:
Իրանում 2009 թվականի հունիսի 12-ին անցկացված նախագահական ընտրությունների արդյունքների դեմ բողոքով հանդես են եկել նախագահի նախկին թեկնածուները: Ռեֆորմիստ թեկնածուներ Միր Հուսեյն Մուսավին և Մեհթի Կարուբին հանդես են եկել ընտրությունների ժամանակ խոշոր կեղծիքների մասին հայտարարություններով: Ընտրություններից հետո Իրանում սկսված բողոքի ակցիաները, ըստ վերլուծաբանների, անցել են մի մակարդակով, որն իր նախադեպը չի ունեցել 1979 թվականի իսլամական հեղափոխությունից հետո: Ձերբակալվել են հարյուրավոր քաղբանտարկյալներ, զոհվել մի քանի տասնյակ քաղաքացիներ:
