Հայաստանյան մի շարք լրատվամիջոցներ երկուշաբթի օրվանից շարունակական ակցիաներ են սկսում ի պաշտպանություն «Հայկական ժամանակ» օրաթերթի գլխավոր խմբագիր Նիկոլ Փաշինյանի: Հինգշաբթի օրը գլխավոր խմբագիրների փակ հավաքի ժամանակ որոշվել են Փաշինյանի ազատ արձակման պահանջով հետագա քայլերը: Ընդունվել է առնվազն 6 ակցիա իրականացնելու պայմանավորվածություն, որոնք սկսվելու են հաջորդ շաբաթ: Ակցիաների թվում լինելու են ակտիվ գործողություններ, օրինակ` երթ, ինչպես նաեւ նամակներ` ուղղված հայաստանյան եւ արտերկրյա կառույցներին: Ակցիաներին մասնակցելու պատրաստակամություն են հայտնել մոտ երկու տասնյակ լրատվամիջոցներ` այդ թվում «Ժամանակ» օրաթերթը: