Թագավորական ընտանիքում խառնաշփոթ է: Հերցոգուհի Քեթրինն ու արքայազն Ուիլյամն օգնական են փնտրում: Ծառան պետք է հետևի նրանց տան կարգուկանոնին, քանի որ հերցոգուհին կենտրոնացած է լինելու երեխայի ծննդյան վրա:
Համաձայն Բուքինհեմյան պալատում տարածված ներքին հայտարարության՝ ծառան նրանց հարկավոր է տան մաքրությունը բարձր մակարդակով ապահովելու համար:
Թվարկված են նաև ապագա աշխատակցի կոնկրետ պարտականությունները: Նստավայրում կարգուկանոնի և մաքրության ապահովում՝ ամենաբարձր մակարդակով: Անձնական հագուստի խնամք, արծաթե և ապակե սպասքի մաքրում, աշխատանք արքայական նստավայրում գտնվող լվացքատանը, դրան գումարվում է զբոսանքը թագավորական շների հետ: Դրա հետ մեկտեղ չի խանգարի նաև վարորդական իրավունքի առկայությունը:
Թեկնածուն պետք է ունենա նաև կազմակերպչական, ինչպես գրավոր, այնպես էլ բանավոր հաղորդակցության հիանալի ունակություններ, ինչպես նաև՝ կարողանա անթերի կարգապահությամբ թիմի անդամ լինել:
Կարճ ասած՝ Քեթրինին ու Ուիլյամին «ոսկե ձեռքեր» ունեցող աշխատակից է հարկավոր, ով երեխայի ծնվելուց հետո կկարողանա նաև դայակ լինել:
