Dell Inc ամերիկյան կորպորացիան բանակցություններ է վարում Silver Lake Partners և TPG մասնավոր ներդրող ընկերությունների հետ բաժնետոմսերը գնելու շուրջ, քանի որ մտադիր է հեռանալ հիմնադրամային շուկայից,- հաղորդում է The Wall Street Journal-ը:
Չի բացառվում, որ բանակցություններին կարող են միանալ այլ ներդրողներ, այդ թվում՝ թոշակային հիմնադրամները և բանկերը: WSJ աղբյուրներից մեկի տեղեկատվության համաձայն՝ բանակցություններին մասնակցում է JPMorgan Chase & Co ներդրումային բանկը, որը համակարգիչներ արտադրողին օգնում է գնահատել արժեթղթերի գնման ռիսկերը:
Այս տեղեկատվության ֆոնի վրա Dell-ի բաժնետոսմերի գինը մեծացել է 13%-ով:
Պարբերականի աղբյուրների տվյալներով՝ Dell-ն արդեն շուրջ երեք ամիս բանակցություններ է վարում պոտենցիալ ներդողների հետ, և դրանք որևէ արդյունքի կարող են հանգեցնել վեց շաբաթվա ընթացքում:
Ներկա պահին Dell-ը փորձում է դուրս գալ անձնական համակարգիչների շուկայի սահմաններից, քանի որ օգտատերերը գնալով ավելի հաճախ են կիրառում պլանշետային համակարգիչներ և iOS օպերացիոն համակարգերով սմարթֆոններ: 2012 թ. ընկերության կապիտալիզացիան նվազել է 30%-ով:
