Ֆիզիկոս Ալբերտ Էյնշտեյնի կյանքի առաջին 44 տարիներից մնացած բոլոր փաստաթղթերն արդեն համացանցում հասանելի են անվճար դիտման համար: Դա հնարավոր է դարձել շնորհիվ «Թվային Էյնշտեյն» նախագծի, որը հեղինակել է ԱՄՆ Փրինսթոնի համալսարանը Երուսաղեմի Հրեական համալսարանի հետ համատեղ՝ հայտնում է New York Times-ը:
Մեծ ֆիզիկոսի արխիվով զբաղվում են 1986 թվականից: Արդեն տպագիր հրատարակվել է 13 հատոր (ծրագրված 30-ից)՝ բոլոր նամակները, ձեռագրերը, օրագրերը և գրառումները, որոնք Էյնշտեյնից հետո մնացել են արխիվներում, նկուղներում, տուփերում ամբողջ աշխարհում: 14-րդ հատորի հրատարակումը ծրագրված է 2015թ. հունվարին:
Այցելուները կարող են կարդալ և ամբողջական տեքստի որոնում կատարել բոլոր փաստաթղթերի գերմաներեն բնօրինակով և անգլերեն թարգմանությամբ:
