Հունաստանում կրակ են բացել կառավարության շենքի վրա։ Երկուշաբթի լուսադեմին երկու անծանոթներ մեքենան կայանելով «Նոր ժողովրդավարություն» կուսակցության շենքից մոտ 100 մետր հեռավորության վրա, իջել են և Կալաշնիկով տեսակի ինքնաձիգից կրակ բացել:
Հունաստանի հակաահաբեկչական ծառայությունն ուսումնասիրում է տեսախցիկների տեսագրությունները: Կրակոցների ժամանակ գնդակներից մեկն ընկել է երկրի վարչապետ Անտոնիս Սամարասի աշխատասենյակ: Երկրորդ գնդակը հայտնաբերվել է շենքի տանիքում: Ենթադրվում է որ կրակը բացվել է երկու զենքերից: Հայտնաբերված գնդակներն ուղարկվել են փորձաքննության:
Կառավարության պաշտոնական ներկայացուցիչը հայտարարել է, որ հարձակման թիրախը վարչապետի գրասենյակն է եղել: Դեպքի պահին շենքում են եղել միայն անվտանգության աշխատակիցները:
Կառավարության ներկայացուցիչ Սիմոս Կեդիկոգլուն կոչ է արել բոլոր քաղաքական ուժերին դատապարտել արարքը: Նա նշել է, որ բռնությունը չի կարող լավ կամ վատ լինել, և ողջ հասարակությունը պետք է դատապարտի այն:
Բոլոր կուսակցությունները, այդ թվում՝ նաև ընդդիմադիրներն, արդեն հանդես են եկել հայտարարություններով: Դատապարտող հայտարարությամբ է հանդես եկել նաև ՍԻՐԻԶԱ կուսակցությունը, որին Կեդիկոգլուն մեղադրում էր «դաժանությունների նկատմամբ համակրանք տածելու» մեջ։ Կուսակցությունը ստանձնել էր մի քանի լրագրողների տների հրդեհման պատասխանատվությունը:
