Anonymous շարժման ցանցահենները կոտրել են Մասաչուսեթսի տեխնոլոգիական ինստիտուտի կայքը` հաղորդում է TechCrunch-ը:
Համալսարանական կայքի գլխավոր էջում (mit.edu) տեղադրվել էր ուղերձ՝ նվիրված Reddit-ի հիմնադիր և համացանցային ակտիվիստ Աարոն Շվարցի ինքնասպանությանը: Հաղորդագրության հեղինակները պահանջում են հետաքննել նրա մահվան հանգամանքները:
Հաղորդագրության վերջում ցանցահենները իրենց ներողությունն են հայտնել կայքի աշխատակազմին` էջը կոտրելու համար, և հայտարարել, որ Շվարցի մահվան ամբողջ պատասխանատվությունը չեն դնում համալսարանի վրա:
26-ամյա ծրագրավորողը հունվարի 12-ին մահացած էր հայտնաբերվել Նյու Յորքի իր բնակարանում: Շվարցը մեղադրվում էր MIT-ի համակարգչային ցանցի գործով. մասնավորապես, նրան մեղադրում էին շուրջ 5 միլիոն գիտական ցանցեր անօրինական ներբեռնելու մեջ: Դատարանը չի հասցնում դատավճիռ կայացնել այս գործով:
