Համաներումը տարածվել է նաև Վրաստանի ՆԳ նախարարի նախկին տեղակալ ու Թբիլիսիի նախկին փոխքաղաքապետ Շոթա Խիզանիշվիլիի վրա: Այս մասին տեղեկացնում է apsny.ge կայքը:
Ինչպես հայտարարել է նրա փաստաբան Մամուկա Չաբաշվիլին, «Համաներման մասին օրենքը» նրա վրայից հանում է Վրաստանի Քրեական օրենսգրքի 158-րդ հոդվածի մեղադրանքը:
Փաստաբանի խոսքով՝ իր պաշտպանյալի նկատմամբ գործը կշարունակվի միայն 333-րդ հոդվածի հատկանիշներով, և դատարանը դարձյալ կվերանայի նրա նկատմամբ մեղադրանք առաջադրելու հարցը:
Մամուկա Չաբաշվիլին վստահ է, որ իր պաշտպանյալը մոտ ապագայում ազատ կարձակվի: