Rolling Stone ամսագրի անցկացրած հարցման արդյունքում, The Who խմբի նախկին մասնակից Ջոն Էնթվիսթլը ճանաչվել է բոլոր ժամանակների լավագույն բաս-կիթառահար:
Rolling Stone-ը մասնավորապես նշում է 1965թ. My Generetion երգի նրա մենակատարումը: Էնթվիսթլը The Who խմբի անդամ է խմբի կազմավորման օրվանից` 1964 թվից: Երաժիշտը մահացել է 2002 թ. 57 տարեկանում: Նրա մահվանից հետո խումբը շարունակել է իր ստեղծագործական աշխատանքը:
Հարցման ժամանակ երկրորդ տեղն է զբաղեցրել բաս-կիթառահար Ֆլին (իսկական անունը՝ Մայքլ Բալզարի): Այս երաժիշտը աշխատում է ո՛չ միայն իր մշտական խմբի` Red Hot Chili Peppers-ի հետ, այլ նաև ուրիշ երաժիշտների հետ: Մասնավորապես, 2009 թ. նա Թոմ Յորքի և Radiohead-ի պրոդյուսեր Նայջել Գոդրիչի հետ ստեղծեց Atoms for Peace նախագիծը:
Երրորդ տեղն է գրավել Փոլ Մաքարթնին: Բացի այդ, առաջին տասնյակում են հայտնվել Rush խմբից Գեդդի Լին և Primus խմբից Լես Քլեյպուլը:
Վեցից տասներորդ տեղերն են զբաղեցրել Ջոն Փոլ Ջոնսը (Led Zeppelin), Ջակո Պասթորիուսը, Ջել Բրյուսը (Cream), Քլիֆ Բերտոնը (Metallica) և Վիկտոր Վութենը:
