Բոլորովին վերջերս Դրյու Բերիմորը Flower Beauty անվանումով միանգամից երեք բույր է թողարկել: Այժմ համացանցում հայտնվել են գովազդային առաջին պաստառները, որոնցում նկարահանվել է ոչ միայն դերասանուհին, այլև նրա ամուսինն ու երկամյա դուստրը: Ինչպես խոստովանել է Դրյուն՝ օրվա ընթացքում ինքը տարբեր օծանելիքներ է օգտագործում, այդ պատճառով էլ դրանք կարող են խառնվե միմյանց, ընդ որում՝ դրանցից յուրաքանչյուրն իր սեփական անունը, տրամադրությունը և գովազդային կադրն ունի, գրում է elle.ru-ն:
Դստեր՝ Օլիվի հետ լուսանկարն արվել է Cherished բույրի համար: Այս օծանելիքը ստեղծելիս դերասանուհին ոգեշնչվել է այն երջանիկ պահերով, երբ խաղացել է իր փոքրիկի հետ:
Երկրորդ բույրը՝ Radiant-ը, Բերիմորն ինքն է ներկայացնում: Դերասանուհու խոսքերով՝ այն հաջողակ կանանց խորհրդանիշն է։
Sultry բույրը, որտեղ Դրյուի հետ լուսանկարվել է նաև նրա ամուսինը՝ Ուիլը, ակնարկում է օծանելիքի ռոմանտիկ տրամադրության մասին, որը նախատեսված է սիրելիի հետ ժամադրության համար:
