Ռուսաստանի նախագահ Վլադիմիր Պուտինը, ով պետական այցով այսօր ժամանել է Թուրքիա, այցելել է Թուրքիայի Հանրապետության հիմնադիր Քեմալ Աթաթուրքի դամբարան և ծաղկեպսակ դրել նրա գերեզմանին:
Ինչպես հաղորդում է RIA Novosti-ն, Պուտինն անցել է 150 մետրանոց Փառքի ծառուղով՝ մինչև դամբարան: Նա ծաղկեպսակ է դրել և գլուխ խոնարհելով՝ հարգել Թուրքիայի առաջին նախագահի հիշատակը: Բացի այդ, Պուտինը գրառում է թողել պատվավոր հյուրերի գրքում:
Նախատեսվում է, որ Անկարայում Պուտինը կմասնակցի Համագործակցության 5-րդ խորհրդի՝ բարձրագույն մակարդակով անցկացվող նիստին: Նիստի կենտրոնական թեման կլինի առևտրատնտեսական կապերի ամրապնդումը: Բացի այդ, Ռուսատսանը և Թուրքիան կքննարկեն տարածաշրջանային խնդիրներ, առաջին հերթին՝ իրավիճակը Սիրիայի շուրջ ծավալված իրավիճակը:
