Իտալացի գիտնականը հայտարարել է, որ հանրահայտ «Ջոկոնդա» կտավում պատկերված է Լեոնարդո դա Վինչիի մայրը: Միաժամանակ հաղորդվում է, որ նկարչի մայրը ստրկուհի է եղել Չինաստանում, հայտնում է Daily Mail-ը:
Այդպիսի սենսցիոն եզրակացությունների է եկել իտալացի գիտնական Անժելո Պարատիկոն: «Մոնա Լիզայի գաղտնիքը» բացահայտելու համար նա մոտ 2 տարի անցկացրել է Արևելքում, այնտեղ ուսումնասիրել է տեղի և իտալական Վերածննդի մշակույթի ավանդույթների կապերը:
Որպես ապացույց իր պնդման՝ նա նշում է, որ որոշ փաստաթղթերում պահպանվել են հիշատակություններ հարուստ նոտարի մասին, որը եղել է Լեոնարդո դա Վինչիի հոր հարուստ հաճախորդը: Եվ այդ հաճախորդը Չինաստանից ստրուկ է ունեցել: Բայց Լեոնարդոյի ծնվելուց հետո Կատերինա անունով այդ կնոջ մասին բոլոր հիշատակությունները փաստաթղթերից անհետացել են: Միաժամանակ, հետազոտողները միշտ կարծել են, որ Լեոնարդոյի մոր անունը Կատերինա է եղել:
Բոլոր հարցերին վերջ դնելու համար նկարիչը մտադիր է հասնել մեծ նկարչին արտաշիրմելուն և նրա ԴՆԹ-ով հետազոտություններ անցկացնելուն:
