Այսօր Շվեյցարիայում անցկացվել է ներգաղթի սահմանափակման վերաբերյալ հանրաքվե: Ըստ նախնական տվյալների՝ քվեարկության մասնակիցները դեմ են արտահայտվել սահմանափակումներին:
Ինչպես հաղորդում է BBC-ին՝ վկայակոչելով տեղի լրատվամիջոցներին, հանրաքվեի մասնակիցների ավելի քան 74%-ը դեմ է քվեարկել:
Եթե շվեյցարացիները կողմ քվեարկեին, ապա կառավարությունը ստիպված կլիներ ներգաղթյալների թիվը իջեցնել տարեկան 80 հազարից մինչև 16 հազար մարդ, ինչը կկազմեր բնակչության 0.2%-ը:
Հանրաքվեի նախաձեռնողները պնդում են, որ այդպիսով հնարավոր կլիներ իջեցնել շրջակա միջավայրին սպառնացող վտանգը: Նախագծի ընդիմախոսների կարծիքով՝ այս նախաձեռնության աջակցությունը բացասականորեն կազդի երկրի տնտեսական իրավիճակի վրա:
Այս տարվա փետրվարին Շվեյցարիայում արդեն անցկացվել է ներգաղթի վերաբերյալ հանրաքվե, որով վերադարձրել են ներգաղթի քվոտաները: Այդպիսով, երկիրը փաստացիորեն դուրս է եկել ԵՄ-ի՝ աշխատուժի ազատ տեղաշարժման վերաբերյալ համաձայնագրից:
