ԱՄՆ-ում՝ Ֆերգյուսոն քաղաքում, ցուցարարները սկսել են իրենց յոթնօրյա «դեպի արդարություն ճամփորդությունը», որի ընթացքում ցուցարարները նախատեսում են քայլելով հասնել մինչև Միսսուրի նահանգի նահանգապետ Ջեյ Նիքսոնի նստավայր` Ջեֆերսոն Սիթի, ի նշան դեռահաս Մայքլ Բրաունին սպանած ոստիկանին արդարացնելու դեմ բողոքի: Այս մասին հաղորդում է Associated Press-ը:
Երթը սկսվել է աֆրոամերիկացու սպանված վայրից: Ցուցարարները նախատեսում են 7 օրվա ընթացքում 120 կմ հաղթահարել: Կազմակերպիչները ցանկանում են Ֆերգյուսոնի և Սենթ Լուիսի ոստիկանության նոր ղեկավարությանը բարեփոխումների կոչ անել:
Նշենք, որ ոստիկան Դարեն Ուիլոսնը, որն օգոստոսին գնդակահարել էր սևամորթ դեռահաս Մայքլ Բրաունին, հրաժարական է տվել: Նրա փաստաբան Նիլ Բրունթրագերի խոսքով, երբ տեղի ունեցավ վերոնշյալ միջադեպը, ոստիկանը ժամանակավորապես հեռացվեց աշխատանքից:
