Լոնդոնի «Չելսի»-ի գլխավոր մարզիչ Ժոզե Մոուրինյոն հայտարարել է, որ չի ցանկանում փոփոխություններ կատարել թիմի կազմում ձմեռային տրանսֆերային պատուհանի ժամանակ: Մասնագետը նշել է, որ Անգլիայի առաջնության հաղթող չդառնալու դեպքում չի արդարանա տրանսֆերային գործարքների բացակայությամբ:
««Չելսի»-ում իդեալական իրավիճակ է: Ես չեմ ցանկանում, որ որևէ ֆուտբոլիստ հեռանա իմ թիմից: Չեմ ցանկանում նաև նորեկներ տեսնել թիմում:
Թիմ ենք ձևավորում հենց այս կազմով և ես կցանկանայի գործս ավարտին հասցնել: Եթե մեզ չհաջողվի Անգլիայի չեմպիոն դառնալ, չեմ արդարանա, թե այս կամ այն թիմը 30 մլն ֆունտ ավել է ծախսել տրանսֆերների համար: Նրանք կարող են ծախսել, որքան ցանկանում են կամ կարող են իրենց թույլ տալ»,- Daily Mail-ը մեջբերում է Մոուրինյոյի խոսքերը:
