1994թ.-ին Ինդիանայում կորած Ռիչարդ Լենդերս-կրտսերը հայտնաբերվել է 19 տարի անց` հաղորդում է Ria Novosti-ին: Պարզվում է՝ երեխայի տատիկն ու պապիկը դժգոհ են եղել, թե ինչպես են երեխային դաստիարակում ծնողները, և նրան տարել են անհայտ ուղղությամբ:
2008թ.-ին ենթադրյալ առևանգողներն ազատ են արձակվել, իսկ գործը ուղարկվել է արխիվ: Սակայն վերջերս Մինեսոտայում նկատվել է Ռիչարդ Լենդերս-կրտսերի սոցիալական ապահովագրության քարտը: Տվյալների բազայի ստուգումը ցույց է տվել, որ ապահովագրության տվյալներում նշված անունն ու վարորդական վկայականի անունը տարբերվում են: Ստուգելով տվյալները՝ պարզվել է, որ տղան անհետացած երեխան է: Մոտ ժամանակներս նա կվերադառնա ծնողների մոտ:
