Ֆրանսիայի ոստիկանությունը հետաքննություն է սկսել Voici տաբլոիդում անձնական բնույթի լուսանկարների հրապարակման փաստով, որոնցում պատկերված է Ֆրանսիայի նախագահ Ֆրանսուա Օլանդն իր ընկերուհու՝ դերասանուհի Ժյուլի Գայեի հետ: The Independent-ի հաղորդմամբ՝ իրավապահները ծրագրում են պարզել գաղտնի թղթակցի անձը, քանի որ լուսանկարների առանձնահատկությունիցելնելով՝կասկածյալների շրջանակը նեղացել է՝ներառելովմինչև 12 մարդու երկրի առաջին դեմքի աշխատակիցների շարքից:
Պարբերականը նշում է, որ լուսանկարն արվել է պաշտպանվող և շատ սահմանափակ թվով մարդկանց հասանելի տարածքում՝ Ելիսեյան պալատի բնակելի թևի մասում: Անհայտ պապարացին Օլանդին և նրա սիրելիին լուսանկարել է այգում՝Օլանդի նստավայրի մոտ: Նրանց հարաբերությունները գաղտնի չեն, բայց հետաքննությանը հետաքրքրել է դեղին մամուլի հետ նախագահի մոտ շրջապատի շփման փաստը:
Ուսումնասիրելով լուսանկարները՝ փորձագետները վստահություն են հայտնել, որ դրանք արվել են նախագահի նստավայրից փոքր հեռավորության վրա: Այս վարկածը ստուգելու համար քննիչները հարցաքննում են քիչ ծառայողների, որոնք հասանելիություն ունեն Ելիսեյան պալատի տվյալ մասին:
Օլանդի և Ժյուլի Գայեի հարաբերությունների մասին հայտնի դարձավ 2014թ. հունվարին:Նախագահի սիրավեպը 41-ամյա դերասանուհու հետ վերջ դրեց Վալերի Թրիերվեյլերի հետ նրա քաղաքացիական ամուսնությանը (զույգը միասին էր ապրում 2005 թվականից):