Իկեր Կասիլյասը մասնակցել է Իսպանիայի մայրաքաղաքում տեղի ունեցած գովազդային միջոցառման: «Ռեալի» ավագը պատասխանել է լրագրողների հարցերին և շնորհակալություն է հայտնել երկրպագուների կողմից իր նկատմամբ ուշադրության համար:
«Ցանկանում եմ շնորհակալություն մարդկանց այն ջերմության համար, որը նրանք միշտ ցուցաբերում են իմ նկատմամբ: 17 տարեկանից սկսած կարծես մանրադիտակով ինձ հետևում էին: Ես ամեն ինչ արեցի, որպեսզի մարդիկ հպարտություն զգան այս մարզաշապիկը կրելիս: Ուրախալի է, որ ինձ կհիշեն:
Իրականում ես սիրում եմ մարտահրավերներ, հատկապես, երբ ինքս եմ դրանք ինձ նետում: Ես պետք է ապացուցեմ, որ արժանի եմ իմ մասնագիտությանը: Ես պետք է վայելեմ դա: Ես պետք է աջակցեմ թիմակիցներիս և ավելի շատ աշխատեմ, որպեսզի ապացուցեմ ինքս ինձ, որ կարող եմ վերադառնալ և վերանվճալ վստահությունը, եթե դա կորել է: Դա ստիպում է ինձ ավելի ուժեղ զգալ:
Ես չեմ մտահոգվում: Սա ուղղակի մեկ այլ իրավիճակ է, և ես պետք է ընդունեմ այն: Ես պետք է ապացուցեմ, որ արժանի եմ մեկնարկային կազմում իմ տեղին և առողջ մրցակցության մեջ մտնեմ Անտոնիոյի հետ: Ես շատ ուրախ եմ 2012 թվականին նվաճած պարգևների համար, բայց դա արդեն անցյալում է: Հուսով եմ, որ հաջորդ տարի էլ լավագույնը կճանաչվեմ իմ խաղային դիրքում: Դա կնշանակի, որ գործերը լավ են ընթացել:
Ես ցանկանում եմ խնդրել երկրպագուներին միասնական լինել և լինել մեր կողքին: Ձեր աջակցությամբ մենք շատ ավելի լավ կգործենք: Մենք պետք է փոխենք իրադրությունը առաջնությունում, ինչն անելը շատ բարդ է թվում: Ես կողմ եմ նրան, ինչ երեկ ասել է Կրիշտիանուն»,- Կասիլյասի խոսքերն է մեջբերում «Ռեալ»-ի պաշտոնական կայքը:
