«Սելտա»-ի նկատմամբ առավելության հասնելուց հետո Քրիշտիանու Ռոնալդուն խնդրել է երկրպագուներին աջակցել թիմին և ակումբի գլխավոր մարզիչ Ժոզե Մոուրինյոյին, որը վերջերս զրկվել է «արքայական ակումբ»-ի ֆանատների աջակցությունից:
«Մենք պետք է միասնական մնանք, և մեզ անհրաժեշտ է մեր երկրպագուների աջակցությունը: Դեռևս շատ նվաճումներ կարող ենք ունենալ»,- հայտնել է «Ռեալ»-ի հարձակվող Քրիշտիանու Ռոնալդուն:
Միաժամանակ, Սերխիո Ռամոսը հայտնել է, որ հիացած է Քրիշտիանուի մարզավիճակով:
«Ռոնալդուի խաղն արժանի է ծափահարությունների և ամենաջերմ ընդունելության: Նա ամենալավն է աշխարհում»,- նշել է Ռամոսը:
