ԱՄՆ-ի գործնականորեն ամբողջ տարածքը գրիպի ուժեղ համաճարակն է կլանել, որի հետևանքով արդեն 18 երեխա է մահացել:
Հիվանդության բռնկումներ են աձանգրվել 41 նահանգներում,- փոխանցում է ITAR-TASS-ը՝ հղում անելով Հիվանդությունների վերահսկման և կանխարգելման կենտրոնին:
Մասաչուսեթս նահանգի Բոստոնի քաղաքապետ Թոմաս Մենինոն «արտակարգ իրավիճակ է հայտարարել հասարակական առողջապահության ոլորտում»:
Բժիշկները պնդում են, որ բոլորը պատվաստվեն գրիպի դեմ: Որոշ քաղաքների իշխանություններ որոշել են պնտվաստանյութը անվճար անվճար տրամադրել:
Փորձագետների խոսքով՝ այս տարի ԱՄՆ-ում գրիպի համաճարակը խոստանում է շատ խիստ լինել: Հիվանդանոցները հայտնում են հիվանդների չափազանց մեծ հոսքի մասին, մարդիկ երկար ժամանակ հերթ են կանգնում բժշկի մոտ մտնելու համար: Նրանցից շատերին ուղարկում են տանը բուժվելու, որովհետև հիվանդասենյակները լիքն են:
Ամեն տարի ԱՄՆ-ում աշնանային-ձմեռայի շրջանում գրիպով հիվանդանում է բնակչության 5-20 տոկոսը: Մոտ 200,000 մարդ հայտնվում է հիվանդանոցում, 3,000-49 000-ը մահանում է: ԱՄՆ բնակչության ավելի քան 35 տոկոսն ամեն տարի պատվաստվում է գրիպի դեմ:
