Օրեգոնայի ոստիկանությունը ձերբակալել է 32-ամյա Քալեբ Գրոտբերգին, ով փորձել է խեղդել սիրելիին սեփական դրեդերով (մազերով):
Ինչպես հաղորդում է The Huffington Post-ը՝ կինը սիրեկանի հետ վիճաբանելուց հետո բազմաթիվ կապտուկներով հայտնվել է հիվանդանոցում: Բժիշկները նրա վզի վրա հայտնաբերել են հետքեր, որոնք վկայում են, որ նրան ցանկացել են խեղդել:
Երբ կինը ուշքի է եկել, պատմել է, որ նրա ընկերը փորձել է խեղդել իրեն սեփական դրեդերով: Տղամարդուն ձերբակալել են սպանության փորձի մեղադրանքով:
Ինչպես պարզվել է՝ նա նախկինում խնդիրներ է ունեցել օրենքի հետ. գողության և մարմնական վնասվածքներ պատճառելու համար նա արդեն մեկ անգամ դատապարտվել էր: