ՀՀ ԿԳ նախարար Արմեն Աշոտյանը Facebook-ի իր էջում գրել է.
Հարգելի ուսանողներ:
Սա էլ ձյան հետ կապված խոստացված գրությունը բուհերի ռեկտորներին, որն այսօր ստորագրվել և ուղարկվել է:
Ուշադրություն դարձրեք, որ այս միջնորդությունը վերաբերում է բացառապես մարզաբնակ, քննություններից ամսի 8-11 բացակայած ուսանողներին:
Հայաստանի Հանրապետության բարձրագույն
ուսումնական հաստատությունների ռեկտորներին
Հարգելի ռեկտոր
Հաշվի առնելով ՀՀ կրթության և գիտության նախարարություն հղված բազմաթիվ դիմումները, հեռախոսազանգերը և ուսանողների անհանգստությունը, պայմանավորված վերջին օրերին տեղացած առատ ձյան հանգամանքով, ինչի պատճառով անանցանելի են դարձել հանրապետության բազմաթիվ ճանապարհներ և շատ ուսանողներ չեն կարողացել մասնակցել սահմանված օրը նշանակված քննություններին, թույլատրել բուհերի մարզաբնակ ուսանողներին ս/թ հունվարի 8-11-ը չհանձնած քննությունները հանձնել մինչև քննաշրջանի ավարտը (մինչև պարտքերի մարման առաջին փուլը):
Հարգանքով՝
Արմեն Աշոտյան
