ՀՐԴԵՀՆԵՐ
…
Մարտի 30-ին՝ ժամը 13.52-ին, ահազանգ է ստացվել, որ հրդեհ է բռնկվել Արագածոտնի մարզի Օհանավան գյուղի «Դեմեր» հանդամասում:
Դեպքի վայր են մեկնել մեկ մարտական հաշվարկ,ինչպես նաեվ մարզային փրկարական վարչության փրկարական ջոկատի անդամներ:
Հրդեհը մեկուսացվել է ժամը 16.50-ին, մարվել`17.55-ին:
Այրվել է 20 բնակչի համատեղ սեփականություն հանդիսացող խնձորի այգում` 30 հա և հարակից տարածքում` 20 հա չոր խոտածածկույթ:
…
Նույն օրը՝ ժամը 14.35-ին, ահազանգ է ստացվել, որ հրդեհ է բռնկվել Կապան քաղաքի Ազատամարտիկների փողոցի հարակից տարածքում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 14.52-ին, մարվել`15.15-ին:
Այրվել է 1500 քմ մակերեսով խոտածածկ տարածք:
…
Նույն օրը՝ ժամը 17.01-ին , ահազանգ է ստացվել, որ հրդեհ է բռնկվել Արարատի մարզի Ջրահովիտ գյուղում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 17.40-ին, մարվել`18.05-ին:
Այրվել է Մ.Մստոյանին պատկանող անասնագոմի բետոնե տանիքին պահեստավորված 150 հակ անասնակեր և Ռ.Ավետիսյանին պատկանող անասնագոմի տանիքը` 3 քմ մակերեսով՝ այնտեղ պահեստավորված 15 հակ անասնակերով:
…
Նույն օրը՝ ժամը 21.19-ին, ահազանգ է ստացվել, որ հրդեհ է բռնկվել Երևան քաղաքի Քանաքեռ ՀԷԿ-ի հարակից կիրճում:
Դեպքի վայր են մեկնել երկու մարտական հաշվարկ եվ ճգնաժամային կառավարման կենտրոնի օպերատիվ խումբը:
Հրդեհը մեկուսացվել է ժ.21.30-ին, մարվել` 22.12-ին:
Ամբողջությամբ այրվել է ինքնաշեն փայտյա տնակ` 10 քմ մակերեսով:
…
Նույն օրը՝ ժամը 20.49-ին, ահազանգ է ստացվել, հրդեհ է բռնկվել, որ Արարատի մարզի Արարատ քաղաքի «ԶՈԴ» բանավանի տարածքում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 21.10-ին, մարվել`21.30-ին:
Այրվել է 500 քմ մակերեսով խոտածածկ տարածք և թիվ 3 մեկ հարկանի հանրակացարանի փայտյա երեսպատումը` 10 քմ մակերեսով:
…
Մարտի 31-ին՝ ժամը 05.47-ին, ահազանգ է ստացվել, որ հրդեհ է բռնկվել Երևան քաղաքի Կոմիտասի անվան կամերային երաժշտության տան տարածքում:
Դեպքի վայր են մեկնել չորս մարտական հաշվարկ, ճգնաժամային կառավարման կենտրոնի օպերատիվ խումբը եվ փրկարական ուժերի վարչության հրդեհաշիջման շտաբը:
Հրդեհը մեկուսացվել է ժամը 06.14-ին, մարվել`06.28-ին:
Ամբողջությամբ այրվել է տնօրենի աշխատասենյակը՝ իր գույքով:
Հրդեհի հետևանքով կամերային երաժշտության տան պահակ,1963թ.-ին ծնված Տարոն Թորոսյանը, ծխահարվել է:
Մինչ շտապօգնության աշխատակիցների ժամանումը, պարամեդիկ–փրկարարների կողմից Տ.Թորոսյանին ցուցաբերվել է առաջին բուժօգնություն, այնուհետև նա շտապօգնության ավտոմեքենայով տեղափոխվել է Երևան քաղաքի «Գրիգոր Լուսավորիչ» բժշկական կենտրոն:
Տ.Թորոսյանի առողջական վիճակը գնահատվում է միջին ծանրության, կյանքին վտանգ չի սպառնում:
ԼՈՂԱԽՑԻԿՈՒՄ՝ ԱՆՕԳՆԱԿԱՆ ՎԻՃԱԿՈՒՄ
Մարտի 30-ին՝ժամը 18.43-ին, ահազանգ է ստացվել, որ Երևան քաղաքի Ն.Տիգրանյան փողոցի 14-րդ շենքի թիվ 72 բնակարանում տարեց կինը լողանալու ժամանակ սայթաքել, ընկել է լողախցիկի մեջ և գտնվում է անօգնական վիճակում, անհրաժեշտ է փրկարարների օգնությունը:
Դեպքի վայր են մեկնել փրկարական ուժերի վարչության հատուկ փրկարական ջոկատի հերթապահ խումբը և ճգնաժամային կառավարման կենտրոնի օպերատիվ խումբը:
Փրկարարների կողմից լողախցիկից դուրս է բերվել 1928թ.-ին ծնված Վարդենիկ Մարտիրոսյանը:
Մինչ շտապօգնության աշխատակիցների ժամանումը պարամեդիկ–փրկարարների կողմից նրան ցուցաբերվել է առաջին բուժօգնություն` հոսպիտալացման կարիք չի զգացվել:
ԴԵՊՔ ԳՈՐԻՍՈՒՄ
Մարտի 30-ին՝ ժամը 18.46-ին, ահազանգ է ստացվել, որ Գորիս քաղաքի Նոր Վանքի փողոցի 1-ին շենքի թիվ 1 բնակարանի բնակիչը դռան և հեռախոսազանգերին չի պատասխանում, կա կասկած վերջինիս մահվան մասին և անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Ոստիկանության աշխատակիցների ներկայությամբ հրշեջ-փրկարարների ուժերով բացվել է բնակարանի դուռը, տան մեջ հայտնաբերվել է 1936թ.-ին ծնված Վիկտոր Մկրտումյանի դին:
