«Հասարակության մի ամբողջ զանգված չմտածելով է գնում ընտրությունների: Սա ինձ մտահոգում է: Մեր ժողովուրդը գնում է ընտրությունների առանց մտածելու, որ մենք ազգապետ ենք ընտրում»,- «Արմնյուզ» հեռուստաընկերության «Բանաձև» հաղորդման եթերում ասել է գրող, հրապարակախոս Ալվարդ Պետրոսյանը:
Նրա խոսքերով՝ մենք մեկ անգամ ենք սխալ ընտրություն կատարել` երբ ժողովուրդն ալիք կազմած գնում էր «Ղարաբաղ» կոմիտեի հետևից: Ըստ Ա. Պետրոսյանի՝ Լևոն Տեր-Պետոսյանին ՀՀՇ-ն հռչակել է ցմահ նախագահ: «Ես երբեք ՀՀՇ-ական չեմ եղել, և իմ ընտանիքը եղել է ՀՀՇ-ազերծ: Ամեն ինչ տանում եմ, բացի ցինիզմից: Մարտի 1-ը ո՞վ բերեց, ո՞վ: Մարդը ժողովրդին բերում է հրապարակ ու հետո չգիտի` հաջորդ քայլը ինչ է լինելու: Մարդիկ են այսօր խոսում հրապարակավ, բայց պետք է լռեին»,- ասել է Ալվարդ Պետրոսյանը:
