Թուրքիայի նավթավերամշակող Tupras ընկերությունը կերկարաձգի Իրանից նավթի հումքի գնման պայմանագիրը, որի ժամկետը լրանում է օգոստոսին: Այս մասին հայտնել է Թուրքիայի էներգետիկայի նախարար Թաներ Յըլդըզը՝ փոխանցում է Mehr գործակալությունը:
Թուրքիայի Էներգետիկայի նախարարը Ալժիր, Լիբիա և Կատար կատարած այցի ժամանակ հայտարարել է, որ Թուրքիայի և Իրանի նավթի առևտրի վերաբերյալ պայմանագիրը կերկարաձգվի, քանի որ Թուրքիայի անհրաժեշտ նավթի ծավալի 40-45 տոկոսը բավարարում է Իրանը:
Չնայած այն բանին, որ նոյեմբերին Վաշինգտոնը ընդլայնել է պատժամիջոցները Թեհրանի դեմ՝ մեծացնելով տնտեսական ճնշումը, սակայն Թուրքիան մտադիր չէ դադարեցնել նավթի ներկրումը:
Թուրքիան իր նավթի և գազի անհրաժեշտ պաշարների ավելի քան 90 տոկոսը ներկրում է: Իրանից բացի` Թուրքիան նավթ է գնում վերը նշված երկրներից:
