Ազգային ժողովի առջև այսօր բողոքի ակցիա են անցկացնում բացօթյա առևտրով զբաղվող առևտրականները, որոնք նշում էին, որ այս պարտադրված պարապուրդի ընթացքում իրենք հսկայական պարտքեր են կուտակել, ինչի արդյունքում այսօր մեծամասնության կոմունալ ծախսերի չվճարման պատճառով կոտրած տաշտակի առջև են կանգնել:
Այս պահին ԱԺ-ում քննարկվում է «Բացօթյա առևտուրը քաղաքային համայնքներում» խնդիրը:
Այսօր ԱԺ պատգամավորները կա՛մ կարձագանքեն առևտրականներին, կթույլատրեն զբաղվել բացօթյա առևտրով, կա՛մ կշարունակեն մնալ պարապուրդի մեջ:
Առևտրականներից մեկն էլ մեզ հետ զրույցում նշեց, որ այս օրերին պարսիկները գալիս են Հայաստան, օգտվում Հայաստանի բարիքներից, ուրախանում, իսկ մենք չենք կարողանում մեր գոյությունը պահպանել, իսկ արդյունքում սպառողական զամբյուղը գոյանում է ընդհանուր ՀՀ քաղաքացիների դառը արցունքներից: