Շանհայի 12-ամյա բնակիչը վեց օր շարունակ չկատարած հանձնարարության պատճառով թաքնվել է ծնողներից, հաղորդում է ShanghaiDaily-ն: Ոստիկանությունը երեխային IKEA խանութում է գտել:
Տղան պատմել է, որ այդ ամբողջ ժամանակ սնվել է սուպերմարկետի այցելուների համար նախատեսված սննդից: Արդյունքում նա թերսնուցումից թուլացել է և հիվանդանոց տեղափոխվել:
Յոթերորդ դասարանցին կորել է երեքշաբթի օրը՝ նոյեմբերի 4-ին: Դրանից մի քանի ժամ առաջ տղայի ուսուցչուհին զանգահարել է մորը և հայտնել, որ առաջադրանքը չկատարելու պատճառով տղային տուն է ուղարկել:
Դրանից հետո երեխան կորել է, իսկ ծնողները ոստիկանություն են դիմել: Իրավապահները խնդրել են տղայի ծնողներին կազմել այն վայրերի ցուցակը, որտեղ երեխան սիրում էր լինել: Այդ ցուցակում էին քաղաքային զբոսայգին, խոշոր առևտրի կենտրոնն ու IKEA խանութը: Ոստիկանները տղային հայտնաբերել են խանութի մուտքի մոտ:
Թե որտեղ է նա անցկացրել այդ վեց օրերը, հայտնի չէ: Սակայն, նրա բացակայության երկրորդ օրը տղային նկատել են Շանհայի Հարավային կայարանում:
