Վերջին ինն ամիսների ընթացքում իրանական նավթի արտահանումը միջազգային պատժամիջոցների պատճառով նվազել է 40%-ով, իսկ եկամուտները` 45%-ով: Այս մասին հաղորդում է Agence Frabce-Presse-ը՝ վկայակոչելով իրանական ԶԼՄ-ները:
Գործակալության տվյալներով՝ Իրանի նավթի նախարար Ռուստամ Ղասեմին Մեջլիսի պատգամավորներին զեկույց է ներկայացրել գերատեսչությունում տիրող վիճակի մասին:
Զեկույցի համաձայն՝ 2012թ. մարտից սկսած իրանական նավթի վաճառքի ծավալները նվազել են 40%-ով, իսկ եկամուտները կրճատվել են 45%-ով:
Ավելի վաղ Իրանի իշխանությունները հայտարարել էին, որ միջազգային պատժամիջոցները էական բացասական հետևանք չեն թողել իրանական նավթի արտահանման վրա:
