Գերմանացի զինվորականները սկսել են զենիթահրթիռային Patriot համալիրները Թուրքիա փոխադրելու նախապատրաստումը: Ինչպես հայտնել է Գերմանիայի ռազմաօդային ուժերի երկրորդ զենիթահրթիռային ավիաջոկատի ներկայացուցիչը, 20-ակա ավտոմեքենաներից կազմված 5 ավտոշարասյուներ այսօր Տրավեմյունդե նավահանագիստ են փոխադրել զենիթահրթիռային համալիրի առաջին մասերը: Այնտեղից ռազմական տեխնիկան հունվարի 8-ին Suecia Seaways նավով կփոխադրվի Թուրքիա: Նշենք, որ այդ նավը պատկանում է դանիական DFDS ընկերությանը: Նավում կարող է տեղավորվել 300 ռազմական ավտոմեքենա և 130 բեռնատար: Այս մասին հայտնում է ITAR-TASS-ը:
Ըստ նախատեսվածի՝ նավը թուրքական Իսկենդերուն նավահանգիստ կհասնի հունվարի 21-ին: Ինչպես սպասվում է, երկրորդ ավիջոկատի կազմից շուրջ 170 զինծառայողներ Թուրքիա կթռչեն ավելի ուշ:
Գերմանիայի տրամադրած երկու հրթիռային համալիրները ծրագրվում է Թուրքիայում տեղակայել փետրվարին: Դրանք կտեղադրվեն Թուրքիայի հարավարևելյան Քահրամանմարաշ քաղաքի շրջանում՝ Սիրիայի սահմանից մոտ 120 կմ հեռավորության վրա: Գործողությունը կղեկավարի գնդապետ Մարկուս Էլլերմանը:
Համալիրների տեղակայումը նախապատրաստելու համար երեքշաբթի Նիդերլանդներից դեպի թուրքական Ինջիրլիքի ռազմաբազա կուղևորվի գերմանացի զինծառայողների 20 հոգանոց խումբ:
