Ուրբաթ օրվա առևտրի ընթացքում նավթի համաշխարհային գներն ընկնում են՝ ՕՊԵԿ-ի (Նավթ արտահանող երկրների կազմակերպություն) կանխատեսման ֆոնին, համաձայն որի՝ 2035թ. նավթի պահանջարկը կնվազի: Այս մասին հայտնում է Ria Novosti-ն՝ հղում անելով առևտրի արդյունքներին:
Մեր ժամանակով ժամը 8.24-ին WTI նավթի դեկտեմբերյան ֆյուչերսների գինն ընկել է 1.44%-ով՝ 77.56 դոլար 1 բարելի դիմաց: Brent-ի դեկտեմբերյան ֆյուչերսային գործարքների պայմանագրերի գինն ընկել է 0.68%-ով՝ 82.39 դոլար 1 բարելի դիմաց:
ՕՊԵԿ-ի կանխատեսմամբ՝ 2035թ. նավթի պահանջարկը կնվազի՝ օրական դառնալով մինչև 108 մլն բարել, ինչն օրական 0.5 մլն բարելով պակաս է նախորդ տարվա կանխատեսումից:
