Ավստրալացի ռեժիսոր Միխայել Հանեքեի «Սեր»-ը ԱՄՆ-ի Կինոքննադատների ազգային միության կողմից ճանաչվել է 2012թ. լավագույն ֆիլմ:
Այս ֆիլմը երկու տարեց երաժշտության ուսուցիչների կյանքի վերջին օրերի մասին է: Գլխավոր հերոսի կինը՝ Աննան, կաթվածահար է լինում և սկսում դանդաղ «մարել», իսկ նրա ամուսինը անում է հնարավորը` նրա տառապանքները թեթևացնելու համար: Ֆիլմի գործողությունները տեղի են ունենում փարիզյան փոքրիկ բնակարանում:
Ֆիլմում գլխավոր դերակատարներն են հայտնի ֆրանսիացի դերասաններ Ժան-Լուի Տրետինյանը և Էմանուել Ռիվան: Անցած տարի «Սերը» շահել էր Կաննի 65-րդ փառատոնի «Ոսկե արմավենին»:
Ռիվան ճանաչվել էր տարվա լավագույն դերասանուհի, իսկ Հանեքեն մրցանակ էր ստացել լավագույն ռեժիսորական աշխատանքի համար:
Լավագույն դերասանի տիտղոսին արժանացել է Դենիել Դեյ Լյուիսը, ով ամերիկացի ռեժիսոր Սթիվեն Սփիլբերգի «Լինքոլն» ֆիլմի գլխավոր դերակատարն է:
