Harper’s Bazaar-ի դեկտեմբերյան համարի շապիկին հայտնվել է դերասանուհի Քերի Մալիգանը՝ «Մեծն Գեթսբի» ֆիլմի աստղերից մեկը, հայտնում է spletnik.ru-ն:
Նոր համարում ներառվել է նաև դերասանուհու հարցազրույցը, որից հատվածներ արդեն հրապարակվել են համացանցում:
Մերկ տեսարանների մասին
Չեմ կարծում, թե ինչ-որ մեկին դուր է գալիս մերկանալ նկարահանման հրապարակում: Կյանքում ամեն ինչ այլ է՝ վերջին անգամ ես բիկինի եմ հագել 3 տարի առաջ, երբ լողափին էի ընտանիքիս հետ: Իսկ կարմիր գորգին ես ծնկիցս վերև ոչինչ չեմ հագնի:
Աշխատանքի ու ազատ ժամանակի մասին
Ես երբ աշխատում եմ, ինձ հետ այնքան էլ ուրախ չէ: Եթե ես աշխատում եմ, ուրեմն միայն դրանով էլ զբաղվում եմ:
Մամուլի մասին
Ինչ-որ պահի իմ ասիստենտը ինձ թարմ մամուլ բերեց: Ես բացում եմ ամսագիրը ու կարդում իմ մասին սարսափելի հոդված: Ես վաղուց չէի եղել ոչ մի պրեմիերայի, չէի տվել հարցազրույց, չէի շփվել մամուլի հետ ու չէի սպասում, որ բացելով ամսագիրը՝ այնտեղ կտեսնեմ իմ անունը: Ես անմիջապես լացեցի ու զանգեցի մայրիկին. շատ էի հուզվել:
Ճիշտ է, այդ ժամանակ մենք նկարահանում էինք «Սուֆրաժիստուհին», ու այդ օրը ես պետք է տեսարաններից մեկում զայրույթ պատկերեի, այնպես որ դա նույնիսկ օգնեց:
«Սուֆրաժիստուհին» ֆիլմը, որում Մալիգանը խաղացել է Հելենա Բոնեմ Քարտերի, Մերիլ Սթրիփի ու Բեն Ուիշոյի հետ, վարձույթ դուրս կգա 2015-ին:
