2012 թ. փոթորիկների և բնական այլ աղետների պատճառած վնասների չափն աշխարհում հասել է 160 մլրդ դոլարի, այդ թվում՝ ապահովագրված դեպքերը կազմել են 65 մլրդ դոլար: Այս մասին ասվում է գերմանական Munich Re ապահովագրական ընկերության զեկույցում:
Վնասների 67 %-ը և ապահովագրած վնասների 90 %-ը բաժին է ընկնում ԱՄՆ ում տեղի ունեցած փոթորիկներին: «Սենդի» փոթորկի արդյունքում վնասի չափը կազմել է 25 մլն դոլար: Ապահովագրական ընկերությունները տուծել են նաև տորնադոների և երաշտի հետևանքով։
2012 թ. վնասներն ավելի քիչ էական են եղել, քան 2011 թ.: Ապահովագրված վնասները 2011 թ. կազմել են 119 մլրդ դոլար (ընդհանուր` 400 մլրդ դոլար): Այն ժամանակ ապահովագրությունների հիմնական մասը Ճապոնիայի և Նոր Զելանդիայի երկրաշարժերի հետևանքով էր, ինչպես նաև՝ Թայլանդի ջրհեղեղի:
Ապահովագրությունների միջին թիվը տարեկան կազմում է 9 մլրդ դոլար: 2012 թ. աղետների հետևանքով մահացածների թիվը 106 հազար է եղել: 2011 թ. մահացել է 27,2 հազար մարդ: Ավելի քիչ զարգացած երկրներում բնական աղետների հետևանքներն առավել մեծ են լինում:
Դեկտեմբերի վերջին ԱՄՆ սենատը հաստատեց 60 մլրդ դոլարի տրամադրման որոշումը` ուղղված «Սենդի» փոթորիկի հետևանքների վերացմանը: Այն կօգտագործվի փողոցների մաքրման, հասարակական տրանսպորտի կարգավորման և այլ միջոցառումների իրականացման համար:
