2012թ. Ստամբուլում Աթաթուրքի անվան միջազգային օդանավակայանը ընդունել է 41 մլն ուղևորի: 2011թ. այդ ցուցանիշը եղել է 4 մլն-ով պակաս` տեղեկացնում է antalyatoday.ru-ն:
Ուղևորների թվի աճը մասամբ բացատրվում է նրանով, որ ավելացել է Turkish Airlines (THY)-ի չվերթների թիվը: Ավիաընկերությունը իր չվերթների մեծ մասը իրականացնում է Աթաթուրքի անվան օդանավակայանից:
Չվերթների թիվը 2011թ. 323 հազարից 2012թ.-ին հասել է 334 հազար ուղևորի: 2012թ.-ին օդանավակայանից օրական թռչել է 100 հազար մարդ:
Աթաթուրքի անվան օդանավակայանի ծառայություններից այս ժամանակահատվածում օգտվել է 125 ավիաուղի:
Ուղևորահոսքի առումով շատ լարված են եղել հատկապես երկուշաբթի, չորեքշաբթի, ուրբաթ և շաբաթ օրերը:
Ամենալարված ամիսը եղել է սեպտեմբերը, երբ օդանավակայանից օրական միջինը թռչել է 130 հազար ուղևոր:
Սեպտեմբերի 2-ին օդանավակայանը ընդունել է 132 587 ուղևորի՝ սահմանելով տարվա ռեկորդը:
