Սուրբ Ծնունդին պատրաստվելիս լուսանկարիչ Ուես Նամանի մոտ հիանալի գաղափար է ծնվել, երբ իր օգնական Ջոյ Գոդֆրիի հետ նվերներ էին փաթեթավորում Նամանի ֆոտոստուդիայում՝ Ալբուկերկեում: Աշխատանքի ընթացքում պատահաբար Գոդֆրիի քթին կպչուն ժապավեն է կպել, որը երբ փորձել է պոկել, քիթը ծամածռվել է: Նամանը հետևել է նրա օրինակին և կպչուն ժապավենը կպցրել շրթունքներին՝ ծամածռելով իրեն անճանաչելիության աստիճան: Նամանի շնորհիվ երեխայական այդ խաղը վերածվել է հիանալի ֆոտոշարքի:
Անցնող տարում Ուեսը ստեղծել է մի շարք զվարճալի լուսանկարներ, որոնց դեմքերը նախապես ծամածռել է կպչուն ժապավեններով: Նախագիծը նպատակ ունի ստիպել մարդուն զվարճանալ ինքն իր վրա և ժպիտ պարգևել մարդկանց: Նկարիչն ասում է, որ ամենալավ լուսանկարները ստացվում են այն պահին, երբ մարդը փորձում է պոկել ժապավենը՝ օգտագործելով միայն դեմքի մկանները:
Նկարիչը խոստովանում է, որ իր մտահղացումը նախատեսվում էր դառնալ փոքրիկ նախագիծ և ինքը չէր էլ մտածում, որ այն այդքան հայտնի կդառնա: «Մարդիկ գալիս էին իմ ստուդիա և այնքան ակտիվ կերպով էին դերի մեջ մտնում, որ ես հազիվ էի հասցնում լուսանկարել: Շատ հաճելի է, երբ մոդելները հաճույք են ստանում նկարահանումից, իսկ շատ ավելի հաճելի է, երբ տեսնողները հավանում են իմ լուսանկարները»,- ասում է Նամանը, որի խոսքերը մեջբերում է Adme.ru-ն:
