Տպագիր թերթերում գովազդի արդյունավետությունը ապացուցելու համար բելգիական Duval Guillaume գործակալության մասնագետները հետաքրքիր խաղ- փորձ են կազմակերպել Newspaperswork կազմակերպության համար: Թիմը հրավիրել է խոշոր գովազդատուներին շրջել մեքենայով և անձնական վարորդով: Միակ բանը, որ պետք է անեին հյուրերը՝ թերթ կարդալն էր:
Հիմնական գաղափարն այն է, որ հնարավոր բոլոր միջոցներով փորձեն շեղել ընթերցողին կարդալուց: Այդ նպատակով այն փողոցներում, որոնցով սլացել է մեքենան, տարբեր մարդկանց և իրավիճակներ են ներկայացրել՝ տիեզերագնաց, հնդկացի, այրվող մարդ, անգամ մերկացրել են վարորդին: Սակայն գովազդատուներն այդպես էլ չեն կարողացել կտրվել ընթերցանությունից և նկատել, թե ինչ է կատարվում իրենց շուրջը:
