Բույրերը միշտ պետք է օգուտ տան: Օծանելիքները, որպես հիգիենայի մաս կամ արվեստի ձև, մեզ չեն բավարարում. մենք նրանցից հրաշք ենք սպասում՝ անսպասելի սիրո հրաշք, անսպասելի ձևափոխում, կախարդական ուժ և հեղափոխություն:
Նույնիսկ iPhone-ը ձեռքին՝ մարդիկ հոգու խորքում պատրաստ են վայրենիներ մնալ: XVII դարում սևամորթ ստրուկները ԱՄՆ են ներմուծել վուդուի ծիսակարգը: Նրանք սպիտակամորթներին ցույց են տվել, որ Florida Water օծանելիքով կարելի է տունը չար ոգիներից պաշտպանել: Կես դար անց խաղամոլները հաջողություն ունենալու համար կես դոլարով Hoit`s Cologne օծանելիք էին գնում, որը դեղատնից դուրս գալիս ամբողջությամբ լցնում էին իրենց վրա: Այս երկու օծանելիքն էլ մինչև այժմ գոյություն ունեն ամերիկյան շուկայում և գտնում են իրենց գնորդներին: Վուդուի համաձայն՝ նմանը հարկավոր է գրավել նմանով. հարստություն գրավելու համար վուդուի կախարդուհիները խորհուրդ են տալիս լոգանք ընդունել Royal Bain de Caron օծանելիքով:
Այդ սկզբունքով էլ պետք է օգտագործել նաև 1 Million Absolutely Gold Paco Rabanne, Emporio Armani Diamonds for Men և Ferrari №1 օծանելիքները:
Պարֆյումերները միշտ էլ պատրաստ են օգնել սնահավատ մարդկանց: Քրիստիան Դիորը, ով ցուցադրությունից առաջ միշտ շուշան է դնում կոճակի անցքի մեջ, պարֆյումեր Էդմոն Ռուսնիցկի կողմից մայիսյան շուշանի Diorissimo օծանելիք է ստացել, որպեսզի ամբողջ տարվա ընթացքում հաջողությունն ուղեկցի դիզայներին:
Esteban-ը տղամարդկանց համար Kit Cadeau Porte-Bonheur pour Lui բուրումնավետ կախազարդեր (բրելոկներ) է ստեղծել Cèdre, Santal և Teck & Tonka բույրերով: Բույրերը պետք է հաջողություն բերեն այնտեղ, որտեղ կախված են կախազարդերը: Կարելի է կրել ոչ թե կախազարդերը, այլ հաջողության մի ամբողջ սրվակ, օրինակ, Clin d’Oeil Porte Bonheur (Bourjois) բույրը, որը խոստանում է մաքրել ձեր կարման հաջողության հեորոգլիֆի և ճիշտ ընտրված պտուղների օգնությամբ: Կարման կմաքրվի կիտրոնի, մանդարինի, կումկվատի, պասսիֆլորայի, անանասի միջոցով:
Սնահավատություն կա, որ չորս թերթիկներով երեքնուկը հաջողություն է բերում: Atelier Cologne-ը ստեղծել է Trefle Pur բուրմունքը, հաջողության անուշաբույր խոտի բուրմունք:
Գոյություն ունի նաև Ed Hardy Love & Luck (by Christian Audigier)-ի բույրերի հավաքածուն տղամարդկանց և կանանց համար, որը սիրո մեջ և խաղաքարտերում հաջողություն է խոստանում:
Սեր և ֆինանսական բարօրություն, հաջողություն և չար աչքից պաշտպանություն են անհրաժեշտ անինքնավստահ մարդկանց: Եվ միշտ կգտնվեն այնպիսի բույրեր, որոնք առաջարկում են այն, ինչ հարկավոր է. սուրբ Parfum Sacre Caron, որը խոստանում է բոլոր սրբերի պաշտպանությունը, ուժեղ Champion Davidoff-ը, որը թույլատրված խթանիչ է համարվում, Angel Thierry Mugler-ը՝ ընդհանուր պահապան-հրեշտակը:
Բույրերից մեծ հրաշք են սպասում: Համոզված եղեք, որ դրանք հաջողություն կբերեն: Ուսումնասիրությունները պարզել են, որ բոլորովին անծանոթ մարդիկ օգնում են նրանց, ովքեր լավ են բուրում: Միայն թե հեռո՛ւ մնացեք այնպիսի բույրերից, ինչպիսիք են՝ Straight to Heaven կամ Ugly Bastard:
