Կառավարության աշխատակազմի ղեկավար-նախարար Դավիթ Հարությունյանը այսօր խորհրդարանում ի պատասխան Առաջին լրատվականի հարցին, թե չի՞ հավատում, որ Եռյակը Գագիկ Ծառուկայնի հետ իշխանափոխություն կպարտադրի, հայտարարեց. «Ես համարում եմ, որ Հայաստանում իշխանափոխություն որևէ մեկը որևէ մեկին պարտադրել չի կարող, արտահերթ ընտրություններ որեւէ մեկը որեւէ մեկին պարտադրել չի կարող»:
Լրագրողների տարակուսանքին, թե ժողովուրդը չի՞ կարող իշխանությանը պարտադրել, եթե նստացույցեր անի, փողոց դուրս գա, Հարությունյանը հայտարարեց. «Իսկ ժողովուրդ ասելով քանի՞ հոգու ի նկատի ունեք»:
Ըստ Հարությունյանի իշխանափոխության համար հրապարակում կանգնած մարդկանց թիվը պետք է ավելի մեծ լինի, քան այն ձայների թիվը, որը ստացել է իշխանությունը: Կառավարության ներկայացուցիչը չհամաձայնեց մեր դիտարկմանը, որ իշխանության ստացած ձայների թիվը կեղծ է:
Մանրամասները դիտեք տեսանյութում:
