Մեծ Բրիտանիայում մոտ 340 շրջանների տոնական օրերին սպառնում է ջրհեղեղի վտանգը, ինչի պատճառ կարող են հանդիսանալ Թագավորության տարածքի մեծ մասում տեղացող հորդառատ անձրևները, որոնք արդեն երկրորդ շաբաթն է, ինչ չեն դադարում։
Ներկա դրությամբ տեղումները հիմնականում երկրի արևմուքում են։ BBC-ի օդերևութաբանները կանխատեսում են, որ օրվա երկրորդ կեսին ցիկլոնը կտարածվի Հյուսիսային Իռլանդիայի, Ուելսի, Անգլիայի հյուսիսարևմտյան և Շոտլանդիայի հարավարևմտյան շրջաններում։
Անգլիայում և Ուելսում սպասվելիք ջրհեղեղի մասին 310 նախազգուշացում է եղել։ Շոտլանդիայում, որտեղ տեղումները համեմատաբար քիչ են, նման սպառնալիքի տակ է 21 շրջան։ Դրությունը վատթարացնում է՝ 100 կմ/ժ արագությամբ սաստիկ քամին։
Վերջին օրերին ՄԹ-ի շատ շրջաններ, հատկապես՝ Անգլիայի հարավ-արևելքը, շատ են տուժել ջրհեղեղից։ Կաթվածահար է եղել Բրիստոլի և Սուինդոնի միջև ընկած երկաթգիծը։ Մանչեսթերի և Լիվերպուլի միջև գնացքները երթևեկում են ուշացումներով։ Ամբողջ երկրի տարածքում տասնյակներով ՃՏՊ-ներ են տեղի ունեցել, հաստատվել են արագության սահմանափակումներ։
Վնասվել է մոտ 500 տուն, տասնյակ բնակիչներ էվակուացվել են։ Բրիտանացիները դժգոհում են, որ չեն կարող իրենց ընկերներին այցելել։
2012-ը գրանցվել է որպես Բրիտանիայի պատմության ամենատեղումնառատ (1095 մմ) տարի։ 1911-ից ի վեր կատարվող դիտարկումներով՝ նման դեպք եղել է 2000 թ՝ 1093 մմ տեղումներով։
