Ադրբեջանական Day.az կայքի հաղորդմամբ, ադրբեջանցի քաղաքագետ Ռասիմ Աղաևն անդրադարձել է Լեռնային Ղարաբաղի հիմնախնդրին.
«ԵԱՀԿ առաքելության հաշվետվության հանդեպ Հայաստանի բացասական արձագանքները սպասելի էին: Այդ զեկույցը պատրաստվել է շատ երկար ժամանակ: ԵԱՀԿ-ի զեկույցից հետո պետք է արագացնել հայկական զորքերի դուրս բերման գործընթացն «օկուպացված» տարածքներից:
Բացի այդ, մենք պետք է միջազգային կառույցների, օրինակ՝ ՄԱԿ-ի ուշադրությունը բևեռենք այդ զեկույցի վրա: Տվյալ խնդրի շուրջ պետք է կազմակերպել միջազգային քննարկումներ, ցուցահանդեսներ, կոնֆերանսներ:
Այդ փաստաթուղթը պետք է հանձնվի նաև UNESCO-ին, քանի որ ԵԱՀԿ մատնանշած շրջաններում տեղի է ունենում «հումանիտար աղետ», «փաստացիորեն անհետանում» են մեր հուշարձանները:
Անհրաժեշտ է, որքան հնարավոր է, մեծ աղմուկ բարձրացնել, քանի որ Հայաստանը չի լսի ԵԱՀԿ գնահատականները: Հայաստանն իրեն այդպես ագրեսիվ է պահում, որովհետև Արևմուտքն ու Ռուսաստանը ոգեշնչում են նրան»:
