CBS հեռուստաալիքին տված հարցազրույցում ԱՄՆ նախագահ Բարաք Օբաման հայտարարել է, որ դեռ վաղ է բանակցություններ սկսել Լիբիայի առաջնորդ Մուամար Քադաֆիի հետ, որոնք կվերաբերեն իշխանությունից նրա հեռանալուն: Ըստ Օբամայի` հիմա անհրաժեշտ է մեծացնել դիվանագիտական և քաղքական ճնշումը, որպեսզի ինչ-որ պահի Քադաֆին ինքն այդպիսի որոշում կայացնի:
«Ես կարծում եմ, որ Քադաֆիի ճամբարում գտնվող մարդիկ սկսում են գիտակցել, որ իրենց օրերը հաշված են»,- ասել է Օբաման: «Եվ նրանք, հնարավոր է, փորձում են կապ ստեղծել կոալիցիայի ներկայացուցիչների հետ: Բայց ինքը` Քադաֆին, կածես դեռ այդպիսի եզրակացության չի եկել»: «Ես կարծում եմ, դեռ վաղ է նրա հետ պաշտոնական բանակցություններ սկսելը»,- ասել է ԱՄՆ նախագահը:
