Այսօր ՀՀ բնապահպանության նախարար Արամ Հարությունյանն ամփոփեց բնապահպանական տարին` ընդգծելով տարվա ընթացքում նախարարության իրականացրած քայլերը և ձեռքբերումները: Թեև ոլորտում առկա մի շարք խնդիրներին՝ Արամ Հարությունյանը չխոսեց նախարարության բացթողումների մասին: Նա միայն հումորով ասաց, որ նախարարության միակ բացթողումը Սևանա լիճ բացթողնված ձկներն էին:
«Առաջին լրատվական»-ի հետ զրույցում նախարարի այս գնահատականը խայտառակություն որակեց էկոլոգիական հասարակական դաշինքի համակարգող, բնապահպան Սիլվա Ադամյանը: Նա զարմացավ, թե ինչպես կարող է նախարարը այդպիսի պատասխան տալ` այն դեպքում, երբ բնապահպանական նախաձեռնությունների, ակտիվիստների ահազանգած խնդիրներն այս տարի չափազանց մեծ թիվ էին կազմում: Այդ խնդիրներից մեկը, բնապահպանի խոսքով «Խոսրովի արգելոց»-ի կարգավիճակի հարցն է, որն անընդհատ քննարկվում է, սակայն, նրա համոզմամբ, ապարդյուն:
«Մենք այնտեղ ունենք որսագողության նախադեպեր, ունենք լուրջ խնդիր Գիլանի տարածքում, որտեղ ապօրինի շինարարություն է ընթանում,և արդեն որերորդ տարին է` նախարարությունը չի լուծում այդ շինությունը վերացնելու հարցը: Եթե նախարարը գտնում է, որ այդ խնդիրը նախարարության կողմից լուծված է, ապա չարաչար սխալվում է»,- ասաց բնապահպանը՝ հավելելով, որ թեև այդ հարցը շսրունակ բարձրացվում է, սակայնորևէ տեղաշարժ չի գրանցվում՝շենքն ինչպես կար, այնպես էլ մնում է:
Ըստ Սիլվա Ադամյանի` գլոբալ բնապահպանական խնդիրներից մեկը ՀՀ-ի համար ռազմավարական նշանակություն ունեցող ջրային պաշարի` Սևանա լճից ոռոգման նպատակով ջուրբացթողնելն է:
«Էկոլոգիական հասարակական դաշինքը բազմաթիվ նամակներով դիմել էր պատկան մարմիններին` պահանջելովետ կանչել այդ օրինագիծը, սակայն ապարդյուն՝ ջուրը բաց թողնվեց»,- նկատեց Սիլվա Ադամյանը:
Նրա համոզմամբ՝ նախարարությունում չկան մարդիկ, որոնք պետք է զբաղվեն բնապահպանությամբ, նախարարն ու նախարարության աշխատակիցներն իրավունք չունեն զբաղվելու բնապահպանությամբ, որովհետև նրանք բնապահպաններ չեն, այլ միայն կառավարության պատվերները կատարողներ:
«Նրանք բնապահպանական խնդիրներին որպես բնապահպաններ չեն նայում: Նախարարությունում պետք է աշխատեն մասնագետներ, որոնք հոգով են պատրաստ այդ գործին: Ես կողմնակից եմ, որ չունենանք նման նախարարություն, որը կառավարության պատվերն էկատարում՝ ամեն օր իջեցնում են մի նոր հանք բացելու, նոր ՀԷԿ կառուցելու թույլտվություն: Բնապահպանական տարին կորսված եմ համարում: Կարծում եմ, որ թունելի վերջում երևացող լույսը երիտասարդ բնապահպաններն են, նրանց ձեռքումպետք է լինի բնապահպանության ոլորտը»,- ասաց Սիլվա Ադամյանը:
