Եվրասիական տնտեսական միությունը Վլադիմիր Պուտինի փառավոր ինտեգրացիոն նախագիծն է, որը մինչև վերջերս իր մեջ ներառում էր Ռուսաստանը, Բելառուսը և Ղազախստանը, գրում է: Մինսկում տեղի ունեցած գագաթաժողովում դրան միացավ նաև Հայաստանը: Սակայն դա չի նշանակում, որ այդ նախագիծը հրապուրիչ է թվում ԽՍՀՄ նախկին հանրապետությունների համար: Լեհական Gazeta Wyborcza թերթին տված հարցազրույցում նման կարծիք է հայտնել բելառուս քաղաքագետ Վլադիմիր Մացկևիչը:
«Ռուսաստանը պետք է շանտաժ կիրառեր, որպեսզի ստիպեր Հայաստանին սկզբում հրաժարվել ԵՄ-ի հետ ասոցացման համաձայնագրից, իսկ հետո միանալ Եվրասիական միությանը: Մոսկվան պատրաստակամություն ցուցաբերեց զենք վաճառել Ադրբեջանին, որից հետ Հայաստանը տարածքային վեճ ունի, և սպառնաց բարձրացնել գազի գինը: Միայն այդ ժամանակ Հայաստանի կառավարությունը համաձայնվեց դառնալ ռուսական ինտեգրացիոն նախագծի մի մասը»,- ասել է բելառուս քաղաքագետը:
Նա նշել է, որ այն ինչ չստացվեց Վրաստանի և Ուկրաինայի հետ, ստացվեց Հայաստանի հետ: Բայց դա, ըստ նրա, ակնհայտորեն ցույց է տալիս, որ ինտեգրացիոն նախագիծը հրապուրիչ չէ նախկին ԽՍՀՄ հանրապետությունների համար: Հակառակ դեպքում ո՛չ ճնշումների, ո՛չ շանտաժի կարիք չէր լինի:
«Իհարկե կարող է թվալ, որ Բեռառուսը և Ղազախստանը դրան միացել են սեփական կամքով: Աստանայի և Մինսկի համար դա առաջին հերթին տնտեսական գործընթաց է: Ղազախստանը շահագրգռված է լավ հարաբերություններ պահպանել Մոսկվայի հետ, քանի որ աշխարհագրական առումով Ռուսաստանն այն բաժանում է Եվրոպայից: Հետևաբար Ռուաստանի հետ մերձեենալով՝ նա առաջ է տանում իր տնտեսական շահերը: Իսկ Բելառուսը, չնայած որ Եվրոպայում է, ռուսական շուկան նրա համար չափազանց կարևոր է, քանի որ բելառուսական ապրանքները մրցունակ չեն եվրոապական շուկայում»,-
Քաղաքագետի կարծիքով՝ Եվրասիական միությունը դարձել է «բռնապետերի յուրօրինակ ակումբ, որի նպատակն է «կոնսերվացնել» ներկա իրավիճակը»: «Հակաժողովրդավարական կապը, որի միացնում է այս վարչակարգերը, շատ կարևոր բաղադրիչ է այդ միությունում»,- ասել է նա:
Մացկևիչը կարծում է, որ Եվրասիական միության զգալի ընդլայնում պետք չէ սպասել:
«Պոտենցիալ մասնակիցների ցուցակից կարելի է ջնջել Վրաստանը, Ուկրաինան, Մոլդովան, որոնք ձգտում են եվրաինտեգրման: Ուզբեկստանը, որտեղ ցարական դիկտատուրա է տիրում, շահագրգռված չէ Ռուսաստանի հետ որևէ ինտեգրմամբ: Ադրբեջանն իր հումքն ունի՝ նավթ և գազ, և նրա քաղաքականությունը կախված չէ Ռուսաստանից: Թուրքմենստանը մեկուսանում է աշխարհից և հստակ ակնարկում, որ իր ապագան որևէ ինտեգրացիոն նախագծում չի տեսնում»,- նշել է փորձագետը՝ հիշեցնելով որ մնում են միայն Ղազախստանը և Տաջիկստանը: Դրանք, ըստ նրա, աղքատ երկրներ են, ուստի շահագրգռված են Ռուսաստանի հետ ինտեգրմամբ, քանի որ դրանում են տեսնում իրենց տնտեսական զարգացման բանալին: Մինչդեռ այդ երկրներն ընդունելով Եվրասիական միության՝ Ռուսաստանը ստիպված կլինի պահել նրանց: «Եվ դա միակ բանն է, որի վրա Կրեմլը կարող է հույս դնել»,- եզրափակել է Մացկևիչը:
