Պարսից ծոցում արաբական պետությունների համագործակցության խորհուրդը (ՊԾԱՊՀԽ) մտադիր է ստեղծել զինվորական միասնական հրամանատարություն։ Այդպիսի համաձայնությունը կայացվել է արաբական վեց միապետությունների (Բահրեյն, Կատար, Քուվեյթ, Օման, ԱՄԷ, Սաուդյան Արաբիա) ղեկավարների ամեն տարի իրականացվող սամմիթի ժամանակ, որը այսօր կավարտվի Մանայում։
Տարածաշրջանային համագործակցության քարտուղար Աբդել Լատիֆ ազ-Զայյանին հայտարարել է, որ զինուժերի ղեկավարությունները որոշել են համագործակցել ցամաքային, օդային և ծովային ռազմական ուժերով, որն ավելի կերաշխավորի կոլեկտիվ անվտանգությունը։
Ներկայիս դրությամբ խորհուրդը ունի համատեղ զորախումբ՝ «Թերակղզու վահան» անվամբ։ Այն իր մեջ ներառում է 9 000 զինծառայող, ստեղծվել է 1980-ին և տեղակայված է Սաուդյան Արաբիայում։
Նոր համագործակցությունը «Թերակղզու վահանի» վերացման նպատակ չունի, այլ պետք է ստեղծվի նրա հիման վրա։
Նախաձեռնության մասին մի տարի առաջ հայտարարել է Սաուդյան Արաբիայի թագավորը։
Սակայն տարածաշրջանն ունի մի կարևոր խնդիր։ 2003-ին միապետությունները ստորագրել են մաքսային համագործակցության համաձայնագիր, որը, սակայն, ավելի շատ խորհրդանշական նշանակություն ունի։ Նրա նպատակները դեռ չեն իրագործվել։
Այս 6 երկրների տարածքում գտնվում է համաշխարհային նավթի պաշարների 40 տոկոսը։ Նախատեսվել է ստեղծել ընդհանուր արժութային շուկա՝ «հալիջ» (արաբերեն՝ ծովածոց) ընդհանուր արժույթով։ Սակայն չի հաջողվում։ Արժութային ընդհանրության պայմանագիրը ստորագրել են Բահրեյնը, Կատարը, Քուվեյթը և Սաուդյան Արաբիան։
