Ցանցահենները համացանցում են տեղադրել Snapchat հավելվածի օգտատերերի լուսանկարների և տեսանյութերի հսկայական բազա: Այս մասին հայտնում է Business Insider-ը:
Պարբերականի հաղորդմամբ՝ ցանցահենները տվյալներ են հավաքել մի քանի տարի: Հավանաբար, նրանց օգնել են Snapchat-ի համար կողմնակի հաճախորդ-հավելվածները, որոնք ավտոմատ կերպով չեն ջնջել ստացված բոլոր լուսանկարներն ու տեսանյութերը, այլ պահպանել են բոլոր ֆայլերը:
Snapchat-ի ղեկավարությունը հաստատել է, որ բոլոր լուսանկարներն ուղարկվել են կողմնակի հավելվածների միջոցով՝ այդպիսով հերքելով, որ Snapchat-ի պաշտոնական ծրագիրը «կոտրել» են:
