Արժույթի միջազգային հիմնադրամի ղեկավար Քրիստին Լագարդը հայտարարել է, որ պատրաստ է պորտապար պարել՝ հասնելու ամերիկյան Կոնգրեսի կողմից ԱՄՀ բարեփոխումների հավանության: Այս մասին գրում է MarketWatch-ը:
Քվոտաների կարգավորման մասին համաձայնագիրն ընդունվել էր դեռևս 2010 թվականին: Այն պետք է կրկնապատկեր պոտենցիալ վարկավորման ծավալը՝ հասցնելով 739 մլրդ դոլարի, ինչպես նաև ավելի մեծ ազդեցություն տար զարգացող երկրներին: Դա պետք է երաշխավորեր համաշխարհային արժութային համակարգի կայունությունը:
Սակայն ԱՄՆ-ը ձգձգում է համաձայնագրի իրականացումը՝ ունենալով 16.75 տոկոս քվեարկման մասնաբաժին: Բոլոր հիմնական որոշումները պահանջում են 85 տոկոս ձայն, այսինքն՝ ԱՄՆ-ը փաստացի ունի վետոյի իրավունք:
Լագարդի խոսքով՝ 2010 թվականին համաձայնեցված բարեփոխումները հրատապ են:
